حاولت كتيير الاقي تطبيقات ربح تدعم فودافون كاش في السحب لكن محاولاتي كانت نتائجها مش الافضل.
انت في مصر اكيد وعلشان كدا هتكلم بالعربية العامية مش الفصحي….
قبل ما ابدأ في موضوعي ده قررت اشوف المدونات المنافسة كاتبة ايه، وللاسف مفيش اي تطبيق واحد تقدر فعلا منه تكسب فلوس من النت وتسحب عن طريق فودافون كاش.
من فترة اتكلمت عن مواقع بتدفع عن طريق فودافون كاش، لكن تطبيقات الموضوع صعب.
والسبب الاساسي في ده ان تطبيقات الربح الصادقة والي بتكمل لسنين طويلة اغلبها اجنبية، وبالتالي فودافون كاش صعب.
علشان كدا في الموضوع ده هتكلم معاك عن تطبيقات بتوفر طرق دفع زي بايير او سكريل وممكن تحولها عن طريق وسيط الي محفظة فودافون كاش.
علشان المقدمة متبقاش طويلة جدا خلينا نروح دلوقتي بسرعة لـ….
افضل تطبيقات ربح تدعم السحب عن طريق فودافون كاش
زي ما قولتلك في المقدمة انا مش جاي اخدعك، هنا هتلاقي خيارات تقدر تسحب منها فلوسك لفودافون كاش.
لكن ده مش معناه اطلاقا انها برامج او تطبيقات، ايه الفرق اصلا طالما في كل الاحوال هتقدر تشتغل عليها من الموبايل وفي نفس الوقت واثق انك هتقدر تسحب فلوسك.
مهم تقرأ: اختياراتي لافضل 11 تطبيق للربح في مصر
١- Getsurl
gestural هو موقع ممتاز لاختصار الروابط، كل المطلوب منك هنا انك تدور علي برنامج او ملف مهم وعليه طلب كتيير.
بعد كدا تنسخ الرابط الخاص بيه وتضيفه علي موقع اختصار الروابط ده وتضغط علي زر التقصير.
بعد كدا تاخد الرابط الجديد وفي كل مرة شخص هيضغط علي الرابط ده هتاخد جزء من ارباح الموقع.
في الغالب بتكون أرباحك ٣ دولار / ١٠٠٠ زيارة للرابط.
لو عاوز تعرف اكتر عن الموقع ده تقدر تقرأ: دليل الربح من getsurl بالتفصيل
٢- كفيل
في بحثي علي متجر جوجل وجدت تطبيق لكفيل، ولكن في الغالب ده مش التطبيق الرسمي الخاص بالموقع.
ولكن…
كفيل واحد من اهم خيارات الربح من الانترنت، وواحد من اشهر مواقع العمل الحر العربية.
المميز هنا انك تقدر تسحب من الموقع بشكل مباشر الي اي محفظة هاتف سواء فودافون كاش او اتصالات فلوس او غيرها.
هنا طريقة الربح مختلفة نوعا ما، لان الموضوع بالكامل بيعتمد علي انك بتقدم مهاراتك لاشخاص محتاجينها.
فمثلا تقدر تكتب مقالات وتبيعها، او تقدر تصمم صور بوسترات سوشيال ميديا، كمان تقدر تقدم خدمات بسيطة جدا زي الكتابة علي الورد.
٣- انجزني
انجزني واحدة من منصات التسويق بالعمولة المصرية، والي تقدر من خلالها تسوق لمنتجات مختلفة في السوق المصري.
التسجيل في المنصة بسيط، لكن هتحتاج في البداية تنضم للجروب الخاص بالمنصة علي فيس بوك وتطلب تفعيل حسابك.
بعد كدا تقدر تبدأ جروب علي فيس بوك وتسوق بالعمولة للمنتجات الي شايف انها مناسبة.
او ممكن برضو تبدأ وتعمل اعلانات ممولة للمنتجات دي علي فيس بوك وفي كل مرة شخص يطلب هتاخد عمولة.
الموضوع مش سهل، لكن لو درسته كويس فهو مجال ممتاز ومربح جدا من مجالات العمل الحر اون لاين.
ملحوظة: انجزني ملهاش تطبيق، لكن بتدعم جميع المحافظ الإلكترونية في السحب وعلي رأسهم فودافون كاش.
٤- Timebucks
timebucks احسن حاجة ممكن تشتغل عليها بسهولة وارباحها كويسة جدا.
لكن للاسف تقدر تسحب بس عن طريق payeer وشوية طرق تاني.
استخدام بنك بايير سهل جدا والكويس هنا انك مش هتحتاج اي بيانات شخصية علشان تتعامل معاه ولا حتي تفعيل بالبطاقة.
طبعا بتسأل ازاي كدا تايم باكس بيدعم فودافون كاش؟!!
الموضوع بسيط جدا انت هتحتاج للاتي:
- تعمل حساب علي بنك بايير
- تعمل حساب علي تايم باكس
- توصل لـ ١٠ دولار وده موضوع بسيط علي الموقع من المهام والاستطلاعات الكتيير الموجودة فيه.
- وبعدها تسحب علي حساب بايير الخاص بيك ارباحك.
- تتواصل مع وسيط زي ( وسيطنا ) وتطلب منه تحويل بايير الي فودافون كاش.
- وبمجرد تحويلك الدولارات من حسابك علي بايير لحسابه ها يحولك المبلغ بالمصري علي محفظتك في فودافون كاش.
الموضوع بسيط جدا متقلقش ولو محتاج اي معلومات اضافية تقدر تقرأ:
٥- picksell
picksell هي منصة افلييت جديدة تشبه بشكل كبير موقع انجزني فوق.
وهي موجهة بشكل اساسي للجمهور المصري وفيها عدد منتجات ضخم جدا تقدر تسوقها.
مش كدا وبس المميز في المنصة ( الي ملهاش تطبيق للاسف ) انها فيها عدد ضخم من المنتجات في مجالات متنوعة، مش كدا وبس كمان هتلاقي انها بتعمل مسابقات مميزة جدا وتقدم بونص ومكافآت للمسوقين البيجيبوا اعداد كويسة من الاوردرات شهريا.
فلو حابب تشتغل علي منصة مميزة بتدعم السحب عن طريق فودافون كاش فـ picksell بنصح بيها جدا.
دي كانت افضل خيارات قدامك بتدعم السحب عن طريق فودافون كاش،
للاسف التطبيقات المتاحة قليلة لكن كل الطرق الفوق تقدر تستخدمها من خلال الموبايل.
لو عندك اي استفسار متترددش تتواصل معايا في التعليقات.
ملحوظة اخيرة: في حالة بقي فيه اي تطبيق ربح يدعم فودافون كاش هيتم اضافته في القائمة.
بالتوفيق.
عن الكاتب
