لو كنت حابب تشتري اون لاين في مصر فمهم جدا تعرف افضل مواقع تسوق مصرية متاحة.
في الحقيقة الموضوع ده كان المفروض يبقي باللغة العربية الفصحي لكن حسيت ان كدا احسن.
علشان كدا خليني افضفض معاك شوية وأشارك معاك تجربتي وايه احسن المتاجر الموجودة في السوق المصري.
واهم حاجة انها فعلا تكون موثوقة وخدمة العملاء فيها كويسة وتقدر تستبدل منتجك منها لو فيه اي عيوب بدون مشاكل.
واكيد اهم حاجة انها تكون بتقبل الدفع عند الاستلام بما اننا كلنا في مصر بنفضل ده.
دلوقتي وعلشان المقدمة متطولش وتبقي مملة خلينا نروح نشوف….
افضل مواقع تسوق مصرية موثوقة 2022
لو كنت بتدور علي ارخص مواقع او مواقع سريعة في التوصيل او موثوقة فكل ده موجود في القائمة.
متقلقش وخلينا نبدأ بسرعة بـ….
١- موقع امازون مصر
امازون هو موقع التسوق الاول في اي قائمة مواقع تسوق علي الانترنت.
سواء في مصر او في اي دولة تانية امازون هو الخيار الاول لعدد ضخم من الاشخاص.
وده في الحقيقة لاسباب كتيير جدا زي:
- فيه كل المنتجات الي ممكن تحتاج ليها في حياتك.
- عدد المنتجات ضخم جدا والخيارات المتاحة كتيير وبالتالي تقدر تعرف ايه العرض الافضل وتشتري منه.
- الثقة في الموقع طبعا، وامكانية استبدال منتجاتك في اي وقت.
- من المميزات المهمة جدا في امازون مصر هو خيار الدفع عند الاستلام، لكن المشكلة هنا انه عليه رسوم ( ٩ جنيه ).
- ابلكيشن الموبايل سواء للاندرويد او الايفون هيسهل عليك كتيير جدا.
- الشحن والتوصيل سريع جدا وفي الغالب بيكون بعد الطلب بيوم لو من مخازن امازون.
امازون موقع تسوق مميز جدا وعلشان كدا قدر يبقي اكبر متجر الكتروني في العالم.
فلو محتاج حاجة، جرب امازون….
٢- موقع جوميا
جوميا هي المنافس الاول لامازون في مصر، وهي برضو خيار مميز جدا لاشخاص كتيير.
علي الرغم من اني مثلا بفضل امازون، اعرف اشخاص لما تحب تشتري حاجة بتروح لجوميا بشكل مباشر.
ودخل برضو لاسباب كتيير زي:
- يوميا من اكبر المتاجر الموثوقة في قارة افريقيا.
- جودة المنتجات بشكل عام كويسة.
- الشحن مجاني لجميع انحاء الجمهورية علي جميع منتجات jumia express.
- متاح خيار الدفع عند الاستلام.
- التوصيل بيتم في ٣ ايام بحد اقصي.
- بتوفر يوميا امكانية استيراد منتجات معينة.
- كمان تطبيق جوميا بسيط وسهل في الاستخدام.
- واخيرا الدعم علي جوميا ممتاز.
٣- موقع نون
نون واحد من مواقع التسوق السعودية، ولكن بدأ في الانتشار في السوق المصري من فترة.
اذا قارننا نون بـ جوميا او امازون فأكيد اي واحد من الموقعين هيكون افضل.
كمان تجربتي في شراء بعض المنتجات من نون مش الافضل.
علشان كدا انا بفضل انك تشتري من اي متجر من المتجرين فوق، لكن طبعا لو المنتج الي عاوز تشتريه موجود علي نون وحابب تشتريه أتأكد بس ان تقييمات المنتج كويسة قبل الشراء.
٤- موقع behery Jeans
behery Jeans واحد من مواقع تسوق الملابس المصرية الي اكتشفتها بالصدفة.
- الموقع متخصص بشكل كامل في الملابس النسائية.
- اسعار الموقع من ارخص الاسعار الي شوفتها اون لاين.
- تقدري تشتري بناطيل، شيميزات، جواكت، جيبة وحتي سلوبيت.
- بحيري ستور ليه فرع علي ارض الواقع في حلوان.
- مصاريف الشحن عالية شوية ( من ٤٠ – ٨٠ جنيه ) علي حسب المحافظة.
- بيوفر الموقع برضو خيار الدفع عند الاستلام.
- الشحن بيكون في خلال ٥-٧ ايام من الطلب.
٥- موقع H&M
H&M هو واحد من اشهر براندات الملابس في العالم تقريبا.
وعلشان كدا تلاقينا اتكلمنا عنه برضو في مواقع تسوق الملابس في السعودية.
- هنا هتلاقي اكتر من ٥٠٠٠ منتج سواء للشباب او البنات او الاطفال.
- H&M بدأ يوفر منتجات مختلفة عن الملابس زي الديكور ومستحضرات التجميل وكمان الاحذية.
- تقدر تحميل الابليكشن الخاص بالموقع وتشتري من خلاله بكل سهولة.
- فيه كمان شحن لجميع محافظات مصر ( تكلفته ٩٩ جنيه ) لكن في حالة طلب منتجات اغلي من ٣٩٩ جنيه هيبقي الشحن مجاني.
- وصول المنتج بعد الطلب في الغالب بياخد من يومين لـ ٨ ايام.
٦- موقع Btech
Btech هو واحد من اشهر متاجر بيع الالكترونيات في مصر.
وهنا مش بتكلم عن الموقع الخاص بيه، لكن بتكلم عن المحلات الفعلية الي بتمتلكها الشركة.
الموقع هو منفذ بيع اضافي، ومع ذلك يعتبر من اشهر مواقع التسوق المصرية في مجال الاجهزة.
- تقدر تشتري تليفزيونات، غسالات، اجهزة كمبيوتر، لابتوب وحتي اجهزة العناية الشخصية.
- اهم ميزة متوفرة في بي تيك هو امكانية التقسيط.
- علي الرغم من خيار التقسيط ده الا ان رسوم التقسيط عالية شويتين.
- فيه عروض يومية علي اغلب المنتجات، وكمان عروض تقسيط ممتازة.
- هنا بتقدر تطلب المنتجات من الموقع وتستلم من الفروع الموجودة في اغلب المحافظات لو تقسيط.
- خيار الدفع عند الاستلام متوفر طبعا لو كان الدفع كاش.
٧- موقع 2B
2B هو موقع تسوق الكترونيات مصري تاني في القائمة دي وتقدر من خلاله تشتري اجهزة بأسعار كويسة جدا جدا.
اكيد مش هقولك انه من ارخص مواقع التسوق في مصر، لكن فعلا اسعاره مش الاغلي.
- هنا هتلاقي موبايلات وكمبيوتر، واغلب الاجهزة المنزلية.
- تقدر تشتري اون لاين اكيد وتستلم من الفروع.
- هنا متاح خيار انك تدفع من خلال فودافون كاش وتاخد خصم ١٠ ٪.
- كمان متاح تقسط علي ١٢ شهر من خلال البنوك.
- كمان هتلاقي تطبيق للاندرويد والايفون تقدر تنزلهم وتطلب من خلالهم.
ملحوظة: في مواقع كتيير تقدر تشتري من خلالها الكترونيات اون لاين، وعلي الرغم من ان 2b من المواقع المميزة، لكن بنصحك تقارن الاسعار دايما مع مواقع تانية.
٨- موقع OLX
OLX مقدرش اقول عليه موقع تسوق بالمعني الحرفي.
لكن اقدر اقول عليه سوق مفتوح تقدر تبيع وتشتري من خلاله اي حاجة سواء جديدة او قديمة.
بأختصار اوليكس هو سوق مصري لعرض الاعلانات.
من الاخر كدا وسيط بين البائع والمشتري.
علشان كدا مش هتكلم عن الموقع كتيير، كل العاوزك تعرفه انه ممكن تلاقي عليه منتجات مستعملة بأسعار كويسة.
لكن دايما خلي بالك انك تتقابل مع البائع في مكان عام، ويفضل يكون معاك شخص تاني.
٩- موقع نورماندي
لو كنت بقي من محبي المنتجات الجلدية فنورماندي واحد من افضل مواقع تسوق الجلود في مصر.
- في الموقع الرسمي هتلاقي منتجات كتييير جدا من هافات وبنص وكلاسيك كاجوال.
- الموقع متخصص في المنتجات الرجالي بس.
- اسعار المنتجات ممتازة لو قارناها بالخامة وجودة كل قطعة.
- الصفحة الخاصة بالموقع فيها اكتر من ٥٠٠ الف شخص والتقييمات للصفحة كويسة.
لكن اكيد ده مايمنعش انك محتاج تقيم الاسعار والمنتجات بنفسك وتختار المنتج المناسب بالسعر المناسب، وتشوف كمان مواقع تانية.
علي الرغم من اني اعتقد ان مفيش منافس كويس لغاية دلوقتي.
١٠- موقع alarm store
alarm store هو موقع الكتروني متخصص في ببيع منتجات ابل المختلفة.
فلو كنت من الفائز لمنتجات ابل ومحتاج تشتري بأسعار كويسة ( اقل بكتير من trade line ) فالموقع ده مناسب جدا ليك.
- هنا تقدر تشري ماك، ايفون، ساعات ابل، ايباد وكمان اير بودز.
- لكن للاسف طرق الدفع المتاحة هي فيزا بس.
- تقدر من خلال الموقع تشوف المنتجات المتاحة، لكن عند الشراء بفضل تروح الفرع بنفسك علشان تقدر تطمن علي المنتج.
زي ما قولتلك الاسعار هنا كويسة جدا لو محتاج تشتري منتجات ابل، لكن برضو فيه منافسين كتيير بيبيعوا نفس المنتجات وتقدر تشتريها بأسعار اقل.
دي كانت افضل مواقع تسوق مصرية لمنتجات مختلفة في السوق.
لو محتاج معلومات اكتر عن اي موقع تقدر تتواصل معانا عن طريق التعليقات.
وكمان لو تعرف موقع تاني مميز وشايف انه ممكن اضيفه للقائمة تبسط جدا لو شاركته معايا.
بالتوفيق.
عن الكاتب
